بەیانی ئەمڕۆ لە سەرتاسەری هەرێمی کوردستان تاقیکردنەوەی کۆتایی قۆناغی 12 ی ئامادەیی بەسەرجەم بەشەکانییەوە دەستیانپێکرد.
دڵشاد عومەر بەڕێوەبەری پەروەردەی سلێمانی لە کۆنفرانسێکی رۆژنامەوانیدا رایگەیاند، “لە سنووری سلێمانی 409 هۆڵی تاقیکردنەوە ئامادەکراوە، بۆ هەموو بەشەکان 18 هەزار و 136 خوێندکاری زانستی و شەش هەزار و 636 خوێندکاری وێژەیی هەزار و 310 خوێندکاری بەشەکانی دیکە تاقیکردنەوەی تێدا دەکەن”.
ئاماژەی بەوەشکرد، “تەنها لە سنووری ئێمە چوار هەزار و دوو کەس لە مامۆستا و بەڕێوەبەر چاودێری هۆڵەکانی تاقیکردنەوەن، رۆژانە لە کاتژمێر 6:00 بۆ 8:30 ی سەرلەبەیانی هێڵەکانی ئینتەرنێت لەکاردەکەون”.
