وتەبێژی وەزارەتی دارایی و ئابوریی هەرێم رایدەگەیەنێت، بەغداد رەزامەندی داوە بە ناردنی 400 ملیار دینار و هەوڵدەدەین پێش جەژن مووچەی سەرجەم وەزارەت و دەستەكان دابەشبكەین.
هونەر جەمال وتەبێژی وەزارەتی دارایی هەرێم لە لێدوانێكدا بە تۆڕی میدیایی ئێستای راگەیاند، “ئەمڕۆ پێنجشەممە حكومەتی عێراق رەزامەندی داوە بە ناردنی 400 ملیار دیناری دیكە بۆ هەرێمی كوردستان و چاوەڕواندەكرێت رۆژی یەكشەممەی داهاتوو ئەو بڕە پارەیە بخرێتە سەر هەژماری بانكی وەزارەتی دارایی هەرێم.
وتەبێژی وەزارەتی دارایی هەرێم جەختیكردەوە، هەوڵدەدەین پێش جەژن مووچەی مانگی 5ی سەرجەم ئەو وەزارەت و دەستانە دابەشبكەین كە مووچەیان وەرنەگرتووە.
