وەزارەتی خوێندنی باڵا: لە چەند ڕۆژی داهاتوودا سیستمی زانکۆلاین کارا دەکرێت

وتەبێژی وەزارەتی خوێندنی باڵا و توێژینەوەی زانستی، ئەمڕۆ شەممە 3ی تشرینی یەکەم، خوێندکارانی پۆلی 12ی ئامادەیی ئاگادار دەکاتەوە کە لەم هەفتەیەوە دەتوانن وشه‌ی تێپه‌ڕ و نهێنی (پاسۆرد و یوزه‌رنه‌یم) لە خوێندنگاکانیان وەربگرنەوە و دەشڵێت، “لە چەند ڕۆژی داهاتوودا سیستمی زانکۆ لاین کارا دەکرێت”.

لە ڕاگەیەنراوێکدا عەباس ئەکرەم، وتەبێژی وەزارەتی خوێندنی باڵا و توێژینەوەی زانستیی هەرێمی کوردستان ڕایگەیاند، “دواى هەوڵەکانى بەڕێوبەرایەتیی گشتیی خوێندن و پلاندانان و بەدواداچون لە وەزارەت و ناوەندى وەرگرتنى خوێندکاران، وشه‌ی تێپه‌ڕو نهێنی (پاسۆرد و یوزه‌رنه‌یم) بۆ سەرجەم دەرچووانى دوانزەى ئامادەیى ئامادەکرا و هەر دوێنێش ڕه‌وانه‌ی وەزارەتى پەروەردە كرا”.

عەباس ئەکرەم ئاماژەی بۆ ئەوەشکردووه‌، دەرچووانى پۆلی دوانزەى ئامادەیى لەم هەفتەیەوە دەتوانن سەردانى خوێندنگەکانیان بکەن بۆ وه‌رگرتنه‌وه‌ی وشه‌ی تێپه‌ڕ و نهێنی (پاسۆرد و یوزه‌رنه‌یم)، هەروەها داوایان لێدەکات دەرچووان بەباشى پاسۆرد و یوزەرنەیمەکانیان بپارێزن، چونکە دواتر لەڕێگەى ئه‌و (پاسۆرد و یوزەرنەیم)ه‌ دەتوانن (زانکۆلاین) پڕبکەنەوە.

لەبارەی کاتی کاراکردنی سیستمی زانکۆلاینەوە کە لە ساڵانی ڕابردوودا لە بەرواری 11ی ئەیلولەوە سیستمەکە کارا دەکرا، وتەبێژی وەزارەتی خوێندنی باڵا و توێژینەوەی زانستی به‌ تۆڕی میدیایی ئێستای ڕایگەیاند، “لەچەند ڕۆژی داهاتوودا سیستمی زانکۆلاین کارا دەکرێت” بەبێ ئەوەی کاتی کاراکردنی زانکۆلاین بە دیاریکراوی ئاشکرا بکات.

بابەتی پێشتر

مەسرور بارزانی: پێزانینم ئاڕاستەی بەڕێزان کاک بافڵ و کاک قوباد و شوێنکەوتووە ڕاستەقینەکانی مام جەلال دەکەم

بابەتی دواتر

کیم جۆنگ ئون پەیامێک لەبارەی توشبوونی ترەمپ-ەوە بڵاودەکاتەوە

بابەتی پەیوەندیدار
زیاتر ببینە

لە حاجیاوا ماركێتێك سوتا

بەهۆی شۆرتی كارەباوە ماركێتێك لە حاجیاوا سوتا و زیانی ماددی زۆریش بەر ماركێتەكە كەوت. پەیامنێرمان پێیڕاگەیاندین، ئاگارەكە لە…
Total
0
Share