وەزارەتی دارایی عێراق، دابەشكردنی پارەی مووچەی مانگی ئایاری بەسەر وەزارەت و دامەزراوەكاندا دەستپێكرد.
نیوەڕۆی ئەمڕۆ پێنجشەممە، فەرمانگەی ژمێریاری لە وەزارەتی دارایی عێراق دەستیكرد بە ناردنی پارەی مووچەی ئەم مانگە و وەزارەت، دەستە و دامەزراوەكانی پارەداركرد بۆ دابەشكردنی مووچەی مانگی ئایار.
لە راگەیەندراوێكی فەرمیدا وەزارەتی دارایی عێراق لەگەڵ راگەیاندنی دەستكردن بە دابەشكردنی مووچەدا، داوای لە گشت وەزارەتی و یەكەكان كرد پابەندببن بە پێداویستییەكانی پارەداركردنی مانگانە و پابەندی خشتەی مووچە ببن.
دوێنێ وەزارەتی دارایی عێراق 200 ملیار دیناری خستەسەر هەژماری بانكیی وەزارەتی دارایی هەرێم و بڕیارە 200 ملیار دیناری دیكەش بنێرێت، پێشتریش و هەر لەم مانگەدا بەغداد 800 ملیار دیناری بۆ هەرێم ناردووە.
