بەپێی توێژینەوەكان، لەڕێی گرنگیدان بە جۆر و چلۆنایەتی خواردنەوە دەتوانرێت چارەسەری گرفتی قژ رووتانەوە و سپی بوونی قژ بكرێت، بەپێچەوانەشەوە هەندێك خواردن هۆكارن بۆ زیادبوونی ئەو گرفتانە.
توێژەر و شارەزایان دەڵێن، ئەو خواردنانەی چەورن، سووركراونەتەوە، لە قوتونراون، سۆدا و شەكریان تیایە و زۆرە دەبنە هۆی گرفتی جۆراوجۆری تەندروستی لە زیادبوونی كێشەوە تا تووشبوون بە نەخۆشییەكانی دڵ و گرفتەكانی پەیوەست بە پێست و قژ.
لە بەرامبەردا خواردنە تەندروستەكانی وەك میوە، سەوزە و جۆرە جیاوازەكانی چەرەس بە سوودن، چونكە سەرچاوەی دەوڵەمەند بە ڤیتامین، ریشاڵ، پڕۆتین و چەورییە سوودبەخشەكانن، بە تایبەت چەرەس كە دەتوانێت یارمەتی جەستە بدات بۆ دووركەوتنەوە لە رووتانەوەی قژ و سپی بوونی.
