جێگری وتەبێژی وەزارەتی دەرەوەی ئەمریکا رایگەیاند، وەزارەتی بەرگری ئەمریکا (پنتاگۆن) لێکۆڵینەوە لە رووداوی هێرشکردنە سەر فڕۆکەخانەی نێودەوڵەتی سلێمانی دەکات.
ڤێدانت پاتێل جێگری وتەبێژی وەزارەتی دەرەوەی ئەمریکا لە کۆنفرانسێکی رۆژنامەوانیدا رایگەیاند، ” لەو ھێرشەی کە حەوتی ئەم مانگە کرایە سەر فڕۆکەخانەی نێودەوڵەتی سلێمانی، ھیچ هاوڵاتییەکی ئەمریکییەک زیانی پێنەگەیشتووە، بەڵام دژی ھەموو ھەنگاوێکین کە ھەڕەشە لەسەر ئاسایش و سەلامەتی هاوڵاتییانمان دروستدەکات”.
وتیشی، “وەزارەتی بەرگری ئەمریکا (پنتاگۆن) لێکۆڵینەوە لە رووداوەکە دەکات، دەبێت رێز لە سەروەری و ئاسایشی عێراق بگیرێت”.
ئاشکراشیکرد، ” لەناوبردنی داعش لە ناوچەکە کاری لە پێشینەی ئەمریکایە و بۆ پشتیوانی ھاوپەیمانەکانیان لە رووبەڕووبوونەوەی تیرۆریستانی داعش لە عێراق و سوریان”.
