توێژەرانی کەنەدی ئاستی بەرزی ماددەیەکی کیمیایی مەترسیداریان دۆزیوەتەوە کە لە دروستکردنی کلێنسی تەوالێتدا بەکاردێت لە جەستەی نەهەنگی ئۆرکا کە مەترسیی لەناوچوونیان لەسەرە، ئەمەش ترسی ئەوەی دروستکردووە کە ئەو ماددە ژەهراوییە زیانی زیاتریان پێبگەیەنێت.
توێژەران رایانگەیاند، ماددەی کیمیایی نۆنیلفینۆڵیان لە جەستەی 12 نەهەنگدا دۆزیوەتەوە کە لێکۆڵینەوەیان لەسەر کردووە، ئەو ماددەیە لە دروستکردنی کلێنسی تەوالێتدا بەکاردێت و لە سابون و پاککەرەوەشدا هەیە، دەتوانێت لە وێستگەکانی پاککردنەوەی پاشماوەوە بچێتە ناو زەریاکانەوە.
بەهۆی قەبارەی ئۆرکاکانەوە ، زۆرجار جەستەی بچووک قووت دەدەن کە پیس بوون بە ماددە کیمیاییەکان، ئەمەش وایان لێدەکات لە ریزبەندیی پیسترین نەهەنگەکانی جیهاندا بن.
ئۆرکاکان بە گشتی لە هەموو زەریاکاندا دەژین ، بەڵام زیاتر لە ناوچە ساردەکانی کەنار دەریاکانی وەک ئەلاسکا دەژین.
ئۆرکا بە دەنگ چاودێریی نێچیرەکەی دەکات، واتە قەبارەی نێچیرەکە و شتەکانی دەوروبەری بە فریکوێنسی “لەرەلەر”ی دەنگەکانیاندا دەزانێت.
