پۆلیسى دارستان و ژینگەى دەربەندیخان، ئامارى کار و چالاکییەکانى لە ساڵى 2022ـدا بڵاوكردەوە و دەڵێت، 21 سەرپێچیکار دەستگیرکراون.
بەپێی راگەیەندراوی بەشى پۆلیسى دارستان و ژینگەى دەربەندیخان، لە سنوورى دەربەندیخان و بنکەى باوەخۆشێن لە ساڵى 2022ـدا، 21 سەرپێچیکار لەسەر دیاردە جیاوازەکان کە زیانیان بە سروشت و ژینگە گەیاندووە دەستگیرکراون و پەڕاوى لێکۆڵینەوە بۆ سەرجەمیان رێکخراوە و رووبەڕوى دادگا کراونەتەوە.
ئاماژە بۆ ئەوەش كراوە كە لە ماوەی ئەو ساڵەدا، دەستبەسەر چەندین ئاژەڵ و باڵندەی راوکراو و چەك و کەلوپەلى راوکردندا گیراوە.
