كەشناسی پێشبینییەكانی بۆ كەشوهەوای رۆژانی داهاتوو بڵاوكردەوە و دەڵێت، باراندەبارێت.
ئەمڕۆ سێشەممە بەڕێوەبەرایەتیی گشتیی كەشناسیی عێراق رایگەیاند، سبەینێ چوارشەممە ئاسمانی هەرێمی كوردستان و ناوچەكانی باكوور هەوردەبێت و لە ناوچەكانی باشووری خۆرئاوا نمەباران دەبارێت.
بەپێی راگەیەندراوی كەشناسی، رۆژی چوارشەممە لە هەرێمی كوردستان و هەندێك ناوچەی باكوور بارانی پچڕپچڕ دەبارێت و لە ناوچەكانی خۆرهەڵات هەورەبروسكەی لەگەڵدا دەبێت، هاوكاتی ئەوەش پلەكانی گەرما نزمدەبنەوە.
بەڕێوەبەرایەتیی گشتیی كەشناسیی عێراق پێشبینیكردووە رۆژی هەینی ئاسمانی هەرێم هەوربێت و لە ناوچەكانی ناوەڕاست و باشوور بارانببارێت، بەڵام رۆژی شەممەی هەفتەی داهاتوو ئاسمان بە شێوەیەكی گشتی ساماڵ دەبێت و هەندێك كات دەگۆڕێت بۆ پەڵەهەور و كەش زیاتر سارددەبێت.
