بافڵ جەلال تاڵەبانی لە کۆبوونەوەیەکدا لەگەڵ فەیسەڵ کەریم خانی برادۆست پێی راگەیاند، پشتیوانیان لە یەکێتی جێگەی شانازی و پێزانینی ئەوانە.
ئەمڕۆ دووشەممە بافڵ جەلال تاڵەبانی، سەرۆکی یەکێتیی نیشتمانیی کوردستان پێشوازیکرد لە فەیسەڵ کەریم خانی برادۆستی، لە دیدارێكدا گفتوگۆ لەبارەی دۆخی گشتیی هەرێم و دوایین گۆڕانكارییە سیاسییەكان كرا و جەخت لە هەماهەنگی و هاریكاری نێوان هێز و لایەنەكان، كەسایەتییە سیاسی، ئەكادیمی و رۆشنبیرییەكان كرایەوە لەپێناو دروستكردنی كۆدەنگیی نیشتمانی.
هاوکات هەر لە دیدارەکەدا سەرۆك بافڵ ئاماژەی بە رۆڵ و پێگەی خزمانی برادۆستی كرد لە قۆناغە جیاوازەكانی شۆڕشی گەلی كورد و رایگەیاند، ” یەكێتی هەوڵ و قوربانیدانی ئێوە بەرز دەنرخێنێت و پشتیوانیتان لە حزبەكە جێگەی شانازی و پێزانینی ئێمەیە”.
