بەڕێوەبەری گشتیی سندوقی دراوی نێودەوڵەتی ڕەخنەی توند لە ئەمریکا و چین دەگرێت، ڕایگەیاندووە، ململانێکانی نێوان ئەمریکا و چین جیهان دابەشدەکات بەسەر لایەنی دژ بەیەکدا، ئەمەش جارێکی دیکە ڕووبەڕووی جەنگێکی سادی نوێمان دەکاتەوە.
کریستالینا جۆرجیفا بەڕێوەبەری گشتیی سندوقی دراوی نێودەوڵەتی، نیگەرانیی خۆی نیشاندا لە ئاڵۆزییە توندەکانی نێوان ئەمریکا و چین لە ڕووی ئابورییەوە، وتی، “ئەو ئاڵۆزییانە ئەگەری هەیە جیهان بەخەنە دۆخێکی هەژاریی توندەوە، هەروەها پێکدادان و ناسەقامگیری دروستبکەن، وادەکات لە جەنگی ساردی دووەمدا بژین”.
ئاماژەی بەوەکردووە، ئەو کێشە و ململانێیانە ئەگەر بەردەوامبن ئابوریی جیهان ڕووبەڕووی پاشەکشەیەکی گەورە بەڕێژەی %1.5 دەکاتەوە، کە دەکاتە ساڵانە 1.4 تریلیۆن دۆلار.
پێشتر گڵۆباڵ تایمز بڵاویکردەوە، ئەمریکا دەیەوێت سوود لە قەیرانی ئۆکرانیا و لاوازبوونی ئابوریی ئەوروپا وەربگرێت بۆئەوەی کۆنترۆڵی سیاسەتی لوتکەی برۆکسل بکات.
