پزیشكێكی پسپۆڕ دەڵێت، تەندروستیی ددانەكان پێویستی بە خواردنی ماسی، چەرەسات و سەوزە گەڵادارەكان هەیە.
ئیڤان مۆسۆرۆڤ پسپۆڕی پزیشكی و نەشتەرگەریی ددان دەڵێت، دۆخی تەندروستیی ددان پشت بە سیستمی خۆراكیی مرۆڤ دەبەستێت.
دەشڵێت، لەپێناو پاراستنی دۆخی تەندروستیی ناودەم، پێویستە ماسی و بەرهەمە دەریاییەكان بخورێت. هەروەك دەكرێت چەرەسات، گێزەر و سەوزە گەڵادارەكان بۆ سیستمی خۆراك زیادبكرێت، بەهۆی ئەوەی هاریكاردەبن لە لابردنی كلسی كەڵەكەبوو لەسەر ددانەكان.
بەپێی وتەی ئەو پسپۆڕە، هێلكەی مریشك و كوڵەفرە بەهەمان شێوە سوودبەخشن بۆ تەندروستیی ددان، هەروەها میوە و سەوزە رەقەكان شێلانی پێویست بۆ پوك دەكەن و سوودمەندن.
هەمووكات شیرینی زیانبەخشن نییە، وەك ئەوەی ئیڤان دەیڵێت و روونیدەكاتەوە، هەنگوین و میوە شیرینەكان، ماددەی سروشتین، بۆیە پێویستە لەنێو سیستمی خۆراكدا بن و سوودبەخشن بۆ ددانەكان.
