کەشناسیی هەرێمی کوردستان بڕی بارانبارینی ئەمڕۆ و سبەینێی بڵاوکردەوە، بەوپێیە لە حاجی ئۆمەران زۆرترین باران باریوە و ئەمڕۆ و سبەینێش باران نابارێت.
بەپێی ئەو ڕێژەی بارانبارینەی کەشناسیی هەرێمی کوردستان بڵاویکردووەتەوە، لە حاجی ئۆمەران 9 ملیمەتر باران باریوە کە زۆرترین بڕە، لە سلێمانی و هەڵەبجە کەمترین بڕ باریوە کە 0.3 ملیمەترە.
هەروەها کەشوهەوای ئەمڕۆ و سبەینێی ناوچەکانی هەرێمی کوردستانی بڵاوکردووەتەوە و بەوپێیە، ئەمڕۆ یەکشەممە ئاسمان ساماڵ و پەڵەهەور دەبێت و بەراورد بە ڕۆژانی پێشوو پلەکانی گەرما بەرزدەبنەوە.
هەروەها سبەینێ ئاسمان پەڵەهەور و هەوری تەواو دەبێت و جارێکی دیکە پلەکانی گەرما نزمدەبنەوە.
