یەکەم کەس لە جیهاندا پشکنینەکانی بۆ هەرسێ ڤایرۆسی ئایدز، کۆرۆنا و ئاوڵەی مەیموون لە یەککاتدا پۆزەتیڤ بوون، ئەوەش لەلایەن شارەزایانی تەندروستییەوە بە حاڵەتێکی دەگمەن دادەنرێت، کە یەکەمجارە تۆماربکرێت.
ئەو کەسەی تووشی هەرسێ نەخۆشییەکە بووە لە یەککاتدا، پیاوێکی ئیتالییە و تەمەنی 36 ساڵە.
سەرەتای نەخۆشکەوتنی بە تا و بێهێزی و هەستکردن بە ماندوێتی و هەوکردن دەستیپێکردووە، ئەوەش دوای هەفتەیەک لە گەڕانەوەی لە وڵاتی ئیسپانیا.
لە 2ی تەمووزدا پشکنینی ئەو کەسە بۆ کۆڤید – 19 پۆزەتیڤ بوو، دواتر نیشانەکانی ئاوڵەی مەیموون و دەرکەوتنی زیپکە و هەڵاوسان لەسەر پێستی دەرکەوتن لە 5ی تەمموزدا پشکنینی ئەو ڤایرۆسەشی بۆکرا و پۆزەتیڤ بوو.
دوای ئەوەی چووە نەخۆشخانەی سان فرانسیسکۆ بۆ بەشی نەخۆشییە گواستراوەکان و پشکنینی ئەو نەخۆشییانەی بۆکرا کە لەڕێگەی سێکسەوە دەگوازرێنەوە دەرکەوت، ئەو پیاوە جگە لە کۆرۆنا و ئاوڵەی مەیموون تووشی ئایدزیش بووە.
