بەپێی پێشبینییەكانی كەشناسی پلەكانی گەرمای ئەمڕۆ و سبەی جێگیر دەبن، ئەگەری خۆڵبارینیش لە هەندێك ناوچە هەیە.
بەڕێوەبەرایەتیی گشتیی كەشناسی و بومەلەرزەزانی هەرێم ڕایگەیاند، ئەمڕۆ ئاسمان بەشێوەیەکى گشتى ساماڵ دەبێت لەگەڵ بوونی تۆزێکی سووک لە ناوچەکانی باشووری هەرێم.
خێرایی با لەسەرخۆ و لەنێوان (10-20) كیلۆمەتر لە كاتژمێرێكدا دەبێت.
دەربارەی پلەكانی گەرماش كەشناسیی هەرێم دەڵێت، نزیك دەبێتەوە بەراورد بە تۆماركراوەكانی دوێنێ.
سەبارەت بە كەشوهەوای سبەینێ-ش بەپێی پێشبینییەكان ئاسمان بەشێوەیەکى گشتى ساماڵ دەبێت لەگەڵ بوونی تۆز و خۆڵێکی سووک، بەتایبەتی لە ناوچەکانی باشووری هەرێم لە کاتەکانی ئێوارەدا ئەگەری کەمێک بەهێزبوونی هەیە.
هەروەها پلەکانی گەرما نزیک دەبێتەوە بە بەراورد بە تۆمارکراوەکانى ڕۆژى پێشوو، خێرایی با-ش لەسەرخۆ دەبێت.
بەرزترین پلەکانی گەرمای پێشبینیکراو بە پلەی سیلیزی:
هەولێر: 42
سلێمانی: 42
دهۆک: 40
کەرکوک: 44
زاخۆ:41
هەڵەبجە: 43
سۆران: 41
راپەرین: 41
گەرمیان: 46
