لیژنەی باڵای ئەزموونە گشتییەکانی هەرێمی کوردستان خوێندکارانی 12ی ئامادەیی بڵاودەکاتەوە کە ئێستا دەتوانن ناو و هۆڵی ئەزموونەکانیان ببینن و لە ڕێگەی لێنکێکەوە کە بڵاوکراوەتەوە ناوی قەتابخانە، خوێندنگە و زانکۆکان دیاریکراوە کە خوێندکار تێیدا تاقیکردنەوەکان ئەنجامدەدات.
لە ڕاگەیەندراوێکدا کە ئەمڕۆ هەینی لیژنەی باڵای ئەزموونە گشتییەکان ئاراستەی پۆلی 12ی ئامادەیی کردووە هاتووە، “هەموو ئەو قوتابی و خوێندکارانەی کە مافی بەشداربوونیان بەدەستهێناوە لە تاقیکردنەوە گشتییەکانی پۆلی 12ی ئامادەیی بۆ ساڵی خوێندنی 2021 – 2022 خولی يەکەم (بەهەموو بەشەکانییەوە) دەتوانن لەڕێگەی ئەم لینکەوە ناو و هۆڵی ئەزموونی خۆیان بناسن و بزانن لە چ قوتابخانە و خوێندنگە و زانکۆیەک تاقیکردنەوە ئەنجام دەدەن”.
ئاماژە بەوەشکراوە، کە پێویستە قوتابییان دڵنیاببنەوە لە ناوی چواری و زمانی خوێندنیان و، دروستی کۆدی ئەزموونەکانیان و تەواوی داتا ئاماژەپێکراوەکان.
بەپێی ڕاگەیەندراوەکەی ئەزموونە گشتییەکان، پرسیارەکان بەپێی ئایین و زمانی خوێندنی خوێندکاران دیاریکراوە و لەکاتی بوونی هەر هەڵەیەک تاوەکو 21-6-2022 پێویستە سەردانی قوتابخانە و پەروەردەی قەزای خۆیان بکەن بۆ ڕاستکردنەوەی هەر هەڵەیەک ئەگەر هەبێت.
ڕاشیگەیاندووە، لیژنەی باڵای ئەزموونە گشتییەکان بەرپرسیار نابێت لەبوونی هەر هەڵەیەک لەدوای 21-6-2022 ئاماژەپێکراو.
خوێندکاران دەتوانن لەم لینکەوە ناو و شوێنی تاقیکردنەوەکانیان ببینن:
