دوای بڵاوبوونەوەی دەنگۆی زیادکردنی کاتی یارییەکان لە مۆندیالی قەتەر، فیدراسیۆنی تۆپی پێی جیهان بەفەرمی ئەو زانیارییانەی ڕەت کردەوە.
سەرچاوەکان ئاماژەیان بەوە کردبوو، دوای لێکۆڵینەوەیەکی سەنتەری لێکۆڵینەوە وەرزشییەکانی سەر بە فیدراسیۆنی تۆپی پێی جیهان، دەرکەوتووە لەکۆی ڕووبەڕووبوونەوەیەکی ئاسایی بواری تۆپی پێدا، تەنها 60 خولەک یاریزانان یاری بە تۆپەوە دەکەن، ئەوەش ڕێژەیەکی نزمە و پێویستی بە چارەسەرکردن هەیە.
FIFA Statement
Following some reports and rumours spread today, FIFA would like to clarify that there will be no changes to the rules regarding the length of football matches for the FIFA World Cup Qatar 2022™️ or any other competition.
— FIFA Media (@fifamedia) April 6, 2022
یەکێک لەو ڕێگەچارانەی ئاماژەی بۆ دەکرا، زیادکردنی کاتی یارییەکان بوو لە 90 خولەکەوە بۆ 100 خولەک، باسیش لەوە دەکرا کە ئەم پێشنیازانە لە مۆندیالی قەتەری 2022وە دەبن بە بڕیار و جێبەجێ دەکرێن.
لەو بارەیەوە فیفا ڕاگەیاندراوێکی بڵاوکردووەتەوە، تێیدا هاتووە، “دوای بڵاوبوونەوەی چەندین ڕاپۆرت و هەواڵ، فیدراسیۆنەکەمان دەیەوێت ئەوە ڕوون بکاتەوە، کە هیچ گۆڕانکارییەک لە یاسای داڕێژراو بۆ کاتی یارییەکان لە مۆندیالی 2022 ناکرێت، نەک هەر ئەوە، بەڵکوو گۆڕانکاری لە کاتی هیچ خول و پاڵەوانێتییەکدا ناکرێت”.
