بافڵ جەلال تاڵەبانی بەبۆنەی هاتنی مانگی ڕەمەزانەوە پیرۆزبایی لە مسوڵمانانی کوردستان، عێراق و جیهان دەکات و داوا لە لایەنە سیاسییەکانی کوردستان و عێراق دەکات لەم مانگەدا هەنگاو بۆ چارەسەری کێشەکان و خۆشگوزەرانیی خەڵک بنێن.
لە پەیامەکەیدا بافڵ جەلال تاڵەبانی هیوادەخوازێت مانگی پیرۆزی ڕەمەزان ببێتە مایەی خێر و خۆشی بۆ گەلی کورد و پتەوكردنی رۆحی تەبایی و پێكەوەژیان لەنێوان سەرجەم نەتەوە، پێكهاتە و ئاینزاكان.
داواش لە هەموو هێز و لایەنە سیاسییەكانی كوردستان و عێراق دەكات ئەم مانگە پیرۆزە بكەنە دەرفەتێك بۆ بەخۆداچوونەوە و هەنگاونان بەرەو چارەسەركردنی كێشەكان و دەستەبەركردنی ژیانێكی ئارام و خۆشگوزەران بۆ خەڵكی كوردستان و عێراق.
