بەپێی پێشبینیی وێبسایتەکانی چاودێریکردنی کەشوهەوا، چاوەڕواندەكرێت لە چەند ڕۆژی داهاتوودا شەپۆلێکی بەفر و باران بارین ڕوو لە هەرێمی کوردستان بکات.
پێشبینییەکانی کەشناسی ئاماژە بەوە دەکەن، لە ڕۆژی چواری شوباتەوە ناوچەکە دەکەوێتەژێر کاریگەریی بارستەهەوایەکی ساردەوە و بەهۆیەوە پێشبینی بەفر و باران بارین دەکرێت.
زانیارییەکان بەو شێوەیەن لە چواری شوباتەوە بۆ ماوەی هەفتەیەک هەرێمی کوردستان دەکەوێتەژێر کاریگەریی ئەو نزمە پاڵەپەستۆیەوە و بەفرێکی زۆر لە ناوچە شاخاوییەکان دەبارێت.
بەهۆی زۆریی مەودای پێشبینیکردنەکەوە، ئەگەری هەیە پێشبینییەکان گۆڕانکارییان بەسەردابێت.
