لە یەکێک لە گوندەکانی سنووری ناحیەی شوان چەند کەسێک هەڵیانکوتایە سەر ماڵێک و دوای بەستنەوەی پیاوەکە ژنی ماڵەکەیان کوشت و هەڵاتن.
پەیامنێری تۆڕی میدیایی ئێستا گواستیەوە، “بەرەبەیانی ئەمڕۆ لەگوندی سمایل بەگی سەر بە ناحیەی شوان چەند کەسێکی نەناسراو هەڵیان کوتاوەتە سەر ماڵێک، پیاوەکەیان بەستووەتەوە و ژنەکەیان کوشتووە”.
ئاماژەی بەوەش کرد، “لێکۆڵینەوەکانی پۆلیس لەبارەی رووداوەکە و هەوڵەکان بۆ دۆزینەوەی ئەنجامدەرانی ئەو رووداوە دەستیپێکردووە”.
ئاشکراشیکرد، “تا ئێستا نازاندرێت رووداوەکە تیرۆرستی بووە یان پەیوەندی بە کێشەی کۆمەڵایەتییەوە هەیە”.
