بەڕێوەبەرایەتیی گشتیی نەوت و کانزاکانی سلێمانی ئاشکرایدەکات، ڕۆژانی سێشەممە و چوارشەممە 25 و 26ى ئەم مانگە نهوت له سنوورى مهڵبهندى حهوت له ناو شارى سلێمانى دابهشدەکرێت و بۆ ههر خێزانێك بڕى 200 ليتر بهنرخى 90 نهوت ههزار دينار دەدرێت.
مەڵبەندی حەوتی ناو شاری سلێمانی، كە بڕیارە نەوت وەرگرن، ساڵی ڕابردووش نەوتیان وەرنەگرتووە، بۆیە لە ماوەی دوو زستاندا ئەوە یەكەم جارە نەوتی سپیی حكومی وەردەگرن.
هەر ئەمڕۆ بەڕێوەبەرایەتیی گشتیی نەوت و کانزاکانی گەرمیان ئاشکرایکرد، دابەشکردنی نەوتی سپی لە سنووری ئیدارەی گەرمیان دەستپێدەکاتەوە و بۆ هەر ناوچەیەکیش بەنزینخانەیەك دیاریكراوە بۆ دابەشكردنی نەوتەكە.
پێشتر یەك بەرمیل نەوت بە 55 هەزار دینار بەسەر هاوڵاتییاندا دابەشدەكرا، بەڵام ئەو نەوتەی ئێستا دابەشدەكرێت لە عێراقەوە هاوردەكراوە و نرخی گواستنەوەی چووەتە سەر و بە 90 هەزار دینار دەدرێتە هاوڵاتییان.
