ئەفسانەی یانەی لیڤەرپوڵ، جەیمی کاراگێر لە پڕۆگرامێکی تەلەڤیزیۆنیدا دانی پێدادەنێت، لەلایەن مێسی-یەوە هێرشێکی توندی کراوەتەسەر.
کاراگێر لە پڕۆگرامی “Monday night football” ئاماژەی بەوەکردووە، کە لیۆ مێسی لە باشترینەکانی ساڵی 2021 نەبووە، بەڵکو محەمەد سەڵاحی وەک باشترین هێرشبەر دەستنیشانکردووە لە پێکهاتەی باشترینەکانی (فیفا).
یاریزانەکە لە پرۆگرامێکی دیکەدا لە “سکای سپۆرت” لەگەڵ گاری نیڤیڵ، دەڵێت، “دەزانم مێسی هەرگیز دڵخۆشنییە بە بژاردەکەم، من لەسەرەتای وەرزەوە باسم لەوەکردووە کە گەڕانەوەی کریستیانۆ سەرکەوتوو نییە، بەهەمان شێوە چوونی مێسی بۆ پاریس سان جێرمان”.
هەروەها دەڵێت، “دوای پڕۆگرامی دووشەممەی ڕابردوو، لە ئینستگرامی مێسی-یەوە نامەیەکم پێگەیشت”.
گاری نیڤیڵ دەڵێت، “لەهەمان یاریزانەوە؟ “مەبەستی مێسی-یە”.
جيمي كاراغير :
قلت ان انتقال ميسي لـ باريس ليس خطوة جيدة بعدها وصلتني رسالة خاصة من ميسي على الانستغرام يصفني فيها بـ الحمار .
ميسي انا احبك و انت الافضل بالتاريخ ، انا مقارنةً بك سأكون حمار ، لكنك لن تدخل في تشكيلتي للأفضل رغم اداءك في كوبا اميركا
— 🇵🇸 🇰🇼 يوسـف (@YussfCule) January 21, 2022
کاراگێر دەڵێت، “بەڵێ لەو یاریزانەوە، نامەکە بڵاوناکامەوە، بەڵام دەقاودەق پێی وتووم (کەر)، وادیارە مێسی هەفتانە بەرنامەکەمان دەبینێت، مادام دەیبینێت بێگومان دەمەوێت پێیبڵێم، کە زۆرم خۆشدەوێت و بەباشترینی هەموو سەردەمەکانی دەزانم، بەراورد بەو، بەڵێ من کەرم، ئەوەم قبوڵە، بەڵام بە دڵنیاییەوە لەنێو پێکهاتەی باشترینەکاندا ناوتناهێنم و ئامادەنیم محەمەد سەڵاح بکەم بە قوربانی هەڵبژاردنی تۆ”.
هەروەها دەڵێت، “بەڵێ، ناسناوی کۆپا ئەمریکات بەدەستهێنا، بەڵام بەدرێژایی وەرز باش یارییت نەکرد، شایەنی ئەوە نەبوویت محەمەد سەڵاح لە پێکهاتەکەم دووربخەمەوە لەبەر تۆ”.
ئەفسانەکە دواتر لە ئینستگرام پۆستێکی کردووە و نووسیویەتی، “شانازی دەکەم لەلایەن مێسی ئەفسانەوە بە کەر ناودەبرێم”.
