نرخی نەوت ئەمڕۆ بەردەوامبوو لەو بەرزبوونەوەیەی چەند ڕۆژێكە لەسەری دەڕوات، پشتبەست بەو زانیارییانەی دەریدەخن كە خواست لەسەر سووتەمەنی لە ویلایەتە یەكگرتووەكان تائێستا بەرزە، سەرەڕای زیادبوونی تووشبوون بە گۆڕاوی (ئۆمیكرۆن)ی ڤایرۆسی كۆرۆنای نوێ.
گرێبەستە دواخراوەكانی خامی برێنت 17 سەنت بەرزبووەوە، كە دەگاتە 0.2% و گەیشتە 79.40 دۆلار بۆ هەر بەرمیلێك، بەمەش بۆ چوارەم ڕۆژ لەسەریەك بەرزبووەوە.
هەروەك گرێبەستە دواخراوەكانی خامی تەكساس 23 سەنت یان 0.3% بەرزبووەوە و گەیشتە 76.79 دۆلار بۆ هەر بەرمیلێك.
بەپێی تۆمارەكانی ئیدارەی زانیاریی وزەی ئەمریكا، عەمبارەكانی نەوتی خامی وڵاتەكە 3.6 ملیۆن بەرمیل دابەزیوە لە كۆتا هەفتە لە 24ی ئەم مانگە.
لەهەمان كاتدا عەمبارەكانی بەنزین و بەرهەمەكانی دڵۆپاندن دابەزین بەراورد بە پێشبینیی شارەزایان دەربارەی زیادبوونی عەمبارەكان، ئەمەش نیشانیدەدات كە خواست هێشتا بەرزە.
بەرزبوونەوەی نرخی نەوت ئەرێنییە، لەكاتێكدا زۆرێك لە حكومەتی وڵاتانی جیهان لە هەوڵدان بۆ سنوورداركردنی كاریگەریی بەرزتربوونەوەی تووشبوون بە گۆڕاوی نوێی كۆرۆنا لەسەر گەشەی ئابوری.
