حکومەتی راگوزەری سوریا هەواڵی هەبوونی دانوستان لەگەڵ عێراق و سعودیە سەبارەت بە هاوردەکردنی نەوت رەتدەکاتەوە.
ئەحمەد سلێمان، بەڕێوەبەری پەیوەندییە گشتییەکان لە وەزارەتی نەوت و سامانە سروشتییەکانی سوریا رایگەیاند، “لەئێستادا هیچ دانوستانێک لەگەڵ عێراق و سعودیە نییە بۆ هاوردەکردنی نەوتیان و ئێمە نەوتی خاو لەڕێی تەندەرەوە هاوردە دەکەین”.
وتیشی، بۆریی عێراق – سوریا پێویستی بە نۆژەنکردنەوە هەیە، تا ئەمڕۆش ئەم بابەتە چارەسەرنەکراوە و لەئێستاشدا، ئەم بابەتە جێگەی سەرنجی هەردوو وڵات نییە.
بۆریی نەوتی عێراق – سوریا، پێویستی بە نۆژەنکردنەوە هەیە، بەتایبەتی لە بەشی سوریا، بەهۆی ئەو شەڕەی لە ساڵی 2011ـەوە لە وڵاتەکەدا سەریهەڵداوە، کە کاریگەرییەکی زۆری لەسەر ژێرخانی کەرتی وزە هەبووە و وێرانکارییەکی بەرفراوانی لێکەوتووەتەوە.
