داهاتووی فیلیپی کۆتینیۆی بەرازیلی ناڕوونە و هەندێک لە سەرچاوەکان ئاماژە بە ئەگەری گواستنەوەی بۆ یانەی ئارسیناڵ دەکەن.
بەپێی زانیارییەکانی دیاریۆ سپۆرت، ناوەندکارە بەرازیلییەکە لە یانەی بەرشلۆنە لە بارودۆخێکی باشدا نییە، بەڵکو بەڕێوەبەرانی یانە ناتوانن تێچووی بەردەوامبوون و مووچەی ساڵانەی بۆ تەرخانبکەن، کە زیاترە لە سەرجەم یاریزانەکانی دیکە، بەوهۆیەوە بەجددی بیریان لە فرۆشتنی کردووەتەوە.
کۆتینیۆ لە پێکهاتەی چاڤی هێرناندێز جێگەی نەبووەتەوە و نەیتوانیوە پێگەیەکی سەرەکی مسۆگەربکات، لە کۆی 16 یاریدا تەنها دوو گۆڵی تۆمارکردووە.
بەپێی سەرچاوەکە، یانەی ئارسیناڵ هەوڵەکانیان بە ئاراستەی ئەستێرەکەی سیلیساو دەستپێکردووە، بە ئەگەرێکی زۆرەوە لە گواستنەوەکانی زستانی 2022دا پەیوەندی بەو یانەیەوە دەکات، تەنانەت یاریزانەکەش ڕەزامەندی نیشانداوە.
