ڕۆبێرت لیڤاندۆڤیسكی، هێرشبەری بایرن میونشن ساڵی 2021ی بە بەدەستهێنانی ناسناوێكی تر كۆتایی پێهێنا.
گۆڤاری كیكەر-ی ئەڵمانی، كە یەكێكە لە پڕفرۆشترین گۆڤارەكانی ئەڵمانیا، خەڵاتی كەسایەتی ساڵی بە لیڤاندۆڤیسكی-ی پۆڵەندی بەخشی، پاش ئەو سەروەرییانەی لە ساڵی 2021 بەدەستیهێنا.
لیڤاندۆڤیسكی تەمەن 33 ساڵ توانی ژمارە پێوانەییەكەی گێرد مۆلەر بشكێنێت، پاش ئەوەی 41 گۆڵی لە بوندسلیگا تۆماركرد.
هەروەها تاكە یاریزانە لە ماوەی یەك ساڵدا زۆرترین گۆڵی تۆماركردووە، كە 43 گۆڵە.
