كارلۆ ئەنچلۆتی، ڕاهێنەری ڕیاڵ مەدرید پێش یارییەكەی قادش باسی لەوەكرد، هازارد بە سەرەكی یاریدەكات و مۆدریچیش پشوی پێدەدرێت.
ئاماژەی بەوەشدا كە ئەوان ناسنامەی خۆیان بۆ هیچ یانەیەك ناگۆڕن و بۆ بردنەوە بەرامبەر قادش یاریدەكەن.
– هەموو ئەو یاریزانانەی كە تووشی كۆرۆنا بوون، تەندروستییان باشە، ئەوە گرنگترین شتە
– یاریكردن بەرامبەر پاریس سانجێرمان بەچێژ و خۆش دەبێت
– بنزیمە لە دۆخێكی باشدایە، ڕاهێنانی كردووە و لەژێر چاودێریی پزیشكیدا بووە، بەدڵنیاییەوە هەلی یاریكردنی زۆرە
– هەرگیز بیرمان لە دواخستنی یارییەكەمان نەكردووەتەوە، لەبەرئەوەی تیپێكی ئامادەمان هەیە و پێویستە لەگەڵ دۆخی كۆرۆنادا بڕۆین
– بەڵێ لە چەند ڕۆژی ڕابردوودا بنزیمە بە تەنها ڕاهێنانی كردووە، بەڵام ئێستا ئامادەیە
– هازارد بەرامبەر قادش یاریدەكات، لەبەرئەوە نییە كە هەندێك لە یاریزانەكان كۆرۆنایان هەیە، بەڵكو لەبەرئەوەیە كە بە باشیی ڕاهێنان دەكات و تەندروستیشی باشە
– هازارد بە سەرەكی یاریدەكات
– لە چەند ڕۆژی ڕابردوودا بەشێوەیەكی باش ڕاهێنانمان كردووە و ئامادەین بۆ یارییەكەی قادش
– مۆدریچ ئەنجامی كۆرۆنای نێگەتیڤ بوو، بەڵام هێشتا ماندووە و بەدڵنیاییەوە بەرامبەر قادش یاریناكات
– هازارد خواستی هەیە بۆ ئەوەی یاریبكات، جوهدێكی زۆر سەرف دەكات لەكاتی ڕاهێنانەكاندا و كارێكی باشی كردووە
– ناسنامەی خۆمان بۆ هیچ یانەیەك ناگۆڕین و بەهەمان شێوازی خۆمان بەرامبەر قادش یاریدەكەین
– بەرشلۆنە توانای هەیە تا كۆتایی ڕكابەری بكات
