ئیدارەی یانەی بەرشلۆنەی ئیسپانی پلانی داناوە شۆڕشێك لە ڕیزەكانیدا بكات و 10 یاریزان دووربخاتەوە و یاریزانی نوێ بۆ جێگەكەیان بكڕێت.
پاش كرانە دەرەوەیان لە خولی یانە پاڵەوانەكانی ئەوروپا، ئیدارەی بەرشلۆنە لەژێر سەرپەرشتیی چاڤی ڕاهێنەردا، پلانی چاكسازییان داڕشتووە.
بەپێی پلانەكە، 10 یاریزان دەخرێنە بازاڕی گواستنەوەی یاریزانانەوە.
ئەو 10 یاریزانە هەندێكیان بەهۆی زۆریی مووچەوەیە و هەندێكیشیان ئاستیان دابەزیوە و هەندێكیشیان كێشەیان هەیە لە نوێكردنەوەی گرێبەستەكانیان.
10 یاریزانەكە بریتین لە: كۆتینیۆ، مینگوێزا، لوك دی یۆنگ، ئۆمتیتی، دێست، برایسوایت، بالدی، لینگلیت، دێمبلی، نیتۆی گۆڵچی.
بڕیارە خوان لاپۆرتا، سەرۆكی یانەی بەرشلۆنە لە گواستنەوەی هاوینەدا، پێنج یاریزانی نوێ بۆ یانەكە بكڕێت.
