دادگاى گه‌رمیان بكه‌رانى دزینى پارچه‌كانى تاوه‌ره‌كانى كاره‌باى سنووری گه‌رمیانى به یه‌ك ساڵ زیندانیكردن سزادا.
دوای ئەوەی لە ماوەی چەند مانگی ڕابردوودا چه‌ند كه‌سێك پارچەكانی تاوەرەكانی (33kv/132kv)یان لە سنووری هەردوو گوندی بەرلووت و تازەدێ دزی، مەترسی كەوتنی ئەو تاوەرانە لەئارادابوو.
دواتر هێزەكانی ئاسایش بكەرانی ئەو كاره‌یان دەستگیركرد و دادگای تاوانەكانی كەركوك/ گەرمیان بەپێی ماددەی (444 /بڕگەی3) له یاساى سزادانى عێراقی بڕیاری زیندانیكردنی بۆماوەی یەك ساڵ بۆ چوار لەو كەسانەی كە دزییەكەیان كردبوو دەركرد.
