قوباد تاڵەبانی لەکاتی سەردانیکردنی بریندارانی ڕووداوەکەی شەوی ڕابردوو کە ژمارەیەک پۆلیس بوونە قوربانی ڕایگەیاند، چاودێریی دۆسییەکە دەکات تا تاوانباری ڕووداوەکە بە سزای خۆی دەگات.
قوباد تاڵەبانی نووسیویەتی، “لە ھە‌ردوو نە‌خۆشخانە‌ی شار و شۆڕش، سە‌ردانی بریندارەکانی ڕووداوە‌كە‌ی شەوی ڕابردووی سلێمانیم كرد، كە لە‌كاتی ڕاپە‌ڕاندی ئە‌ركی سە‌رشانیان بۆ دە‌ستگیركردنی تۆمە‌تبارێك بە کەیسی توندوتیژیی خێزانی بریندارکران. لە نزیكە‌وە لە ھە‌واڵی تە‌ندروستییانم پرسی و ھیوای زوو چاكبوونە‌وە‌م بۆخواستن، بە‌ڵێنی ئە‌وە‌شم پێدان؛ ئە‌و تۆمە‌تبارە كە بە‌داخە‌وە ئە‌فسە‌رێكی شە‌ھیدكرد و سێ كارمە‌ندی برینداركرد، دە‌ستگیربكرێت”.
ئاماژەی بەوەشکردووە، “كارمە‌ندانی دە‌زگا ئە‌منییە‌كان مایە‌ی شانازی و تە‌قدیركردنن و ئە‌وان ھۆكارن بۆ پاراستنی ئارامیی شار، لە هیچ كە‌سێکی قبوڵناكە‌ین ڕووبە‌ڕوویان ببێتە‌وە و خۆم بەشەخسیی چاودێریی ئەم دۆسیەیە دەکەم هەتا تاوانبار بە سزای یاسایی خۆی دەگات”.
