چوار یاریزانی یانەی پاریس سانجێرمان لە یارییەكەی لانس لە خولی فەرەنسا دووردەكەونەوە.
بڕیارە ئەمشەو كاتژمێر 11، یانەی پاریس سانجێرمان لە دەرەوەی یاریگای خۆی ببێتە میوانی یانەی لانس.
سێرجیۆ ڕامۆس و ئەندرێ هێرێرا بەهۆی هەستكردن بە هیلاكی لە ماسوولكەكانی ڕانیاندا، لە یارییەكەی لانس دوورخراونەتەوە.
نێیماریش دەستیكردووە بە قۆناغی یەكەمی چارەسەری پێكانەكەی و لانی كەم هەشت هەفتە دووردەكەوێتەوە.
دراكسلەری ئەڵمانی-ش هێشتا لە قۆناغی چارەسەركردنی پێكانەكەیدایە و پێشبینیدەكرێت دوو بۆ سێ هەفتەی تر بتوانێت بگەڕێتەوە بۆ یاریكردن.
