لیرەی لوبنانی ڕێژەیەكی تری بەهاكەی لەدەست دا و یەك دۆلاری ئەمریكی بە 25000 لیرەیە.
بەپێی میدیای لوبنانی، ئەمڕۆ هەینی بەهای لیرەی لوبنانی زیاتر دابەزیوە و هەر دۆلارێكی ئەمریكی بەرامبەر بە 25000 لیرە مامەڵەی پێوەكراوە.
شارەزایانی ئابوری دەڵێن، “ئەم دابەزینەی بەهای لیرەی لوبنانی، لە ماوەی 25 ساڵی ڕابردوودا بێوێنە بووە و یەكەم جارە لە ماوەی چارەگە سەدەیەكدا بەهای لیرە بگات بەو ئاستە نزمە”.
لە ساڵی 2019ـەوە لیرەی لوبنانی 93%ی بەهاكەی لەدەستداوە، هۆكارەكەشی ناسەقامگیریی سیاسی و ئەمنی و گەندەڵی و خراپی بەڕێوەبردنە، كە وڵاتەكەیان دووچاری تەنگژەیەكی ئابوریی هێندە سەخت كردووە كە بانكی نێودەوڵەتی بە یەكێك لە خراپترین تەنگژە ئابورییەكانی مێژووی نوێ پێناسەی دەكات.
