كه‌شناسیی هه‌رێم ڕه‌وشی كه‌شوهه‌واى ئه‌مڕۆ و سبه‌ینێی بڵاوكرده‌وه و به‌پێی پێشبینییه‌كان سبه‌ینێ له‌سلێمانى و هه‌ڵه‌بجه له‌زۆربه‌ى كاته‌كاندا باران ده‌بارێت.
بەپێی پێشبینییەكانی به‌ڕێوه‌به‌رایه‌تیی كه‌شناسی و بومه‌له‌رزه‌زانیى هه‌رێم، ئه‌مڕۆ یه‌كشه‌ممه ئاسمان نیمچەهه‌ور دەبێت، به‌رزترین پله‌ى گه‌رماى تۆماركراو 21 پله له هه‌ولێر، سلێمانى 20، دهۆك 19، له هه‌ڵه‌بجه 21 و كه‌ركوكیش 25 پله دەبێت.
هه‌روه‌ها كه‌شناسی پێشبینى كردووه، سبه‌ینێ ئاسمان هه‌ورى ته‌واو ده‌بێت و له سلێمانى و هەڵەبجە بارانبارین له زۆربه‌ى كاته‌كان به‌رده‌وام ده‌بێت، له‌به‌شێك له ناوچه‌كانى دیكه‌ش به‌شێوه‌ى نمه‌باران ده‌بارێت.
به‌رزترین پله‌ى گه‌رما بۆ سبەینێ، له هه‌ولێر 20 پله، سلێمانى 18، دهۆك 18، هه‌ڵه‌بجه 19 و له كه‌ركوكیش 23 پله ده‌بێت.
