ئاژانسی ناسای ئەمریکی ئاشکرایکرد، سەرقاڵی کارکردنە لەسەر پڕۆژەیەک سەبارەت بە ئاووهەوای گۆی زەوی و چاودێریکردنی گۆڕانکارییەکان لە بۆشایی ئاسمانەوە.
بێڵ نیڵسۆن بەڕێوەبەری ئاژانسەكە لە كۆبوونەوەیەكدا لەگەڵ پسپۆڕانی ناسا ڕایگەیاند، “دڵخۆشم بە ڕاگەیاندنی پڕۆژە نوێیەكەی ئاژانسەكەمان كە ناوی لێكۆڵینەوە لە نوێگەرییەكانی بواری گواستنەوەی گەرمی-یە (INCUS)”.
بەڕێوەبەری ئاژانسەکە دەڵێت، “لە پڕۆژەکەدا سێ مانگی دەستکردی بچووک تا ساڵی 2027 ڕەوانەی بۆشایی ئاسمان دەکرێن، کە لێکۆڵینەوە دەکەن لە گەردەلوولە کەمەرییەکان و گەردەلوولەکانی دیکەی زەوی و کاریگەرییەکانیان لەسەر ئاووهەوای گۆی زەوی”.
ئاماژەی بەوەشکردووە، ئەو توێژینەوانە دەتوانن هەلی چاودێریکردنی کارەساتە سروشتییەکان و هۆشداری لەبارەی مەترسییەکانیانەوە بزانن.
ناسا لە چەند ساڵی ڕابردوودا کاری لەسەر ژمارەیەک توێژینەوە کردووە بەمەبەستی گرنگیدان بە ئاووهەوا، لەوانە بەبیابانبوون، بەرزبوونەوەی پلەکانی گەرما و تێکڕای شێداری.
