وەزارەتی بەرگریی تورکیا ڕەتیدەكاتەوە سیستمی دژەموشەکی S-400ی ڕوسی گواسترابێتەوە بۆ ئینچەرلیك.
چەند میدیایەكی توركیا و جیهان هەواڵی گواستنەوە و دانانی سیستمی دژەموشەکی S-400ی ڕوسییان بۆ بنكەی ئاسمانیی ئینچەرلیك بڵاوكردەوە، بەڵام ئاژانسی هەواڵی ئەنادۆڵو لە زاری سەرچاوەیەكی وەزارەتی بەرگریی تورکیاوە بڵاویكردەوە، دەنگۆی گواستنەوەی سیستمەكە بۆ بنكە ئاسمانییە سەربازییەكە دوورە لە ڕاستییەوە و هیچ بنەمایەكی نییە.
كڕینی سیستمی دژەموشەکی S-400ی ڕوسی لەلایەن توركیاوە یەكێكە لە خاڵە ناكۆكەكانی ئەمریكا و ناتۆ بەگشتی لەگەڵ ئەنقەرە، هۆكاری گرژبوونی پەیوەندییەكانی هەردوولایە، تەنانەت بووەتە هۆی ڕاگرتنی فرۆشتنی فڕۆكەی ئێف – 35 و ئەگەری ڕاگرتنی فڕۆكەی ئێف – 16.
