فەرماندەی فەرماندەیی ناوەندی ئەمریکا ڕایگەیاند، هیچ چارەسەرێکی سەربازی بۆ کامپی هۆل نییە، تاکە چارەسەر بۆ ئەو کێشەیە گەڕاندنەوەی دانیشتووانی کامپەکەیە بۆ وڵاتەکانی خۆیان، هۆشداریشیدا لە هەوڵەکانی داعش بۆ چەکدارکردنی دانیشتووانی کامپەکە.
مایکڵ کۆرێلا لە ڕاگەیەندراوێکدا ئاشکرایکرد، هەوڵەکانی هێزەکانی سوریای دیموکرات (هەسەدە) بەردەوامە بۆ پاککردنەوەی کامپەکە لە داعش، بەڵام کەمپەکە بووەتە مەترسییەکی ڕاستەقینە بۆ ناوچەکە، لەگەڵ ئەوەی ئەگەری هەیە کارەساتی مرۆیی بەهۆی خراپیی بارۆدۆخی کامپەکەوە ڕووبدات.
ئاماژەی بەوەشکردووە، کە ڕۆژی هەینی قسەی لەگەڵ بەشێک لە دانیشتووانی کامپەکە کردووە، بەوەش نیگەرانییەکانی سەبارەت بە هۆل زیاتر بووە.
فەرماندەی فەرماندەیی ناوەندی ئەمریکا ڕایگەیاند، 56 هەزار کەس لەناو کامپی هۆلدان کە زیات 90%یان ژن و منداڵن، لەوێ ئازارەکانی مرۆڤ کۆبوونەتەوە، پلەی گەرمای بەرز و دەست نەگەیشتن بە ئاوی پاک کێشەی گەورەی دروستکردووە.
