سەرۆكی ڕاسپێردراوی حكومەتی لوبنان پێكهاتەیەكی حكومی بە 24 وەزیر ڕادەستی سەرۆكی وڵات دەكات و بۆ پەسەندكردنی چاوەڕوانی وەڵام دەكات.
سەعد حەریری، سەرۆكی ڕاسپێردراوی حكومەتی لوبنان ئەمڕۆ پێكهاتەی حكومەتەكەی كە لە 24 وەزیر پێكدێن ڕادەستی میشێل عۆن، سەرۆك كۆمار كرد و ئاشكرایكرد، چاوەڕوان دەكات سبەی وەڵامی سەرۆك وەربگرێتەوە.
حەریری لە وتەیەكیدا لە كۆشكی بەعەبدا پاش دیداری لەگەڵ عۆن وتی، پێكهاتەی حكومەتەكەی بەپێی دەستپێشخەرییەكەی فەڕەنسا و دەستپێشخەری نەبیهـ بڕی، سەرۆكی ئەنجومەنی نوێنەران لە كەسانی پسپۆڕ پێشكەشكردووە و وتی، “سەبارەت بە من ئەم حكومەتە دەتوانێت وڵات هەڵبستێنێتەوە و كاری جدی بكات بۆ وەستاندنی هەرەسهێنان”.
سەرۆكی ڕاسپێردراو ئەوەشی خستەڕوو، ماوەی 9 مانگە هەوڵ بۆ پێكهێنانی حكومەت دەدەن و ئێستاش كاتی ڕاستەقینە هاتووە و سبەی چاوەڕوانی وەڵامی سەرۆك دەبن.
