بەشێك لە ڕاگەیاندنەكانی ئیسپانیا هەڵمەتێكیان دەستپێكردووە بۆ ئەوەی تۆپی ئاڵتونی 2021 بۆ كەریم بنزیمە بێت.
بنزیمە لە دوو یاریی ڕابردووی قۆناغی كۆتایی نەیشن لیگ، دوو گۆڵی تۆماركردووە و ڕۆڵێكی گەورەی هەبووە لە بەدەستهێنانی ناسناوی پاڵەوانێتییەكە بۆ كەڵەشێرەكانی فەرەنسا.
هەروەها وەك باشترین یاریزانی یاریی كۆتایی دەستنیشانكرا، كاتێك (2-1) لە ئیسپانیایان بردەوە.
كەریم بنزیمە پاش یارییەكە ڕایگەیاند، “پێویستم بەم ناسناوە بوو لەگەڵ فەرەنسا بەدەستیبێنم”.
بنزیمە ئێستا 27 ناسناوی بردووەتەوە، كە ئەوەش ژمارەی پێوانەییە و هیچ یاریزانێكی فەرەنسی هێندە ناسناوی نییە.
ڕاگەیاندنەكانی مەدرید، بەتایبەت ڕۆژنامەكانی ماركا و ئاس، پشتگیریی ئەوە دەكەن تۆپی ئاڵتون بە كەریم بنزیمە بدرێت.
پێشیانوایە لە وەرزی نوێدا هیچ یاریزانێك بەهێندەی ئەو كاریگەر نین.
