دوای جوڵانی جیهانی ئیسلامی لەسەر وتە و هەڵوێستەکانی ئیمانیۆل ماکرۆن، سەرۆکی فەرەنسا بە زمانی عەرەبی تویتی کرد و دەڵێت، “بە هیچ شێوەیەک پاشگەز نابینەوە”.
ئیمانیۆل ماکرۆن، سەرۆکی فەرەنسا ئێوارەی ئەمڕۆ 25ی تشرینی یەکەم لە تویتێکدا لە تۆڕی کۆمەڵایەتی تویتەر ڕایگەیاند، “ئێمە ڕێز لە کۆی جیاوازییەکان دەگرین و هەرگیز وتەی توند و نەرێنی قبوڵ ناکەین”.
ماکرۆن وتوشیەتی، “ئێمە پشتگیری لە گفتوگۆی لۆژیکی دەکەین و هەمیشە لەبەرامبەر شکۆی مرۆڤایەتی و پیرۆزییە جیهانییەکان بۆچونمان ئەرێنی بووە”.
وتەکانی ماکرۆن لە کاتێکدایە کە لەماوەی هەفتەیەکدا لە زۆرینەی وڵاتانی موسڵمان خۆپیشاندان دژی هەوڵێکی حکومەتی فەرەنسا کە کاریکاتێرەکانی پەیامبەری ئیسلامی لەشوێنە گشتییەکان پەخشکردەوە.
