کۆمسیۆنی باڵای سەربەخۆی هەڵبژاردنەکانی عێراق ڕایگەیاند، ئەمڕۆ ئەنجامی دەنگدانی تایبەت ڕاناگەیەندرێت، بەڵکو لەگەڵ ئەنجامەکانی دەنگدانی گشتی و دوای 24 كاتژمێر لە پرۆسەی دەنگدانی گشتی پێكەوە ئاشكرادەكرێن.
جومانە غلای وتەبێژی کۆمسیۆنی باڵای سەربەخۆی هەڵبژاردنەکانی عێراق لە لێدوانێکی ڕۆژنامەوانیدا ڕایگەیاند، گرنگیی دەنگدانی تایبەت بۆ ھەڵبژاردنەکانی ئەنجومەنی نوێنەران، ھیچی لە دەنگدانی گشتی کەمتر نییە، ئاشکراشیکرد، “ئەمڕۆ ئەنجامەکانی دەنگدانی تایبەت ڕاناگەیەندرێت، دوای 24 کاتژمێر لە دەنگدانی گشتی، لەگەڵ ئەنجامەکانی دەنگدانە گشتییەكە پێكەوە ڕادەگەیەنرێن”.
بەیانی ئەمڕۆ ھەینی پرۆسەی دەنگدانی تایبەت بۆ ھەڵبژاردنەکانی ئەنجومەنی نوێنەران لە سەرانسەری عێراق دەستیپێکرد و تا ئێستا بەردەوامە، کە زیاتر لە یەک ملیۆن و 196 هەزار كەس مافی بەشداریكردنیان هەیە تیایدا.
