لە پاڵاوتنەكانی مۆندیال، ئەرجەنتین و پاراگوای یەكسان بوون و سكالۆنی-ش دڵتەنگە بە ئەنجامەكە، بەرازیلیش سێ گۆڵی لە فەنزوێلا تۆماركرد.
لە گەڕی یازدەی پاڵاوتنەكانی ئەمریكای لاتین بۆ گەیشتن بە مۆندیالی 2022، بەرەبەیانی ئەمڕۆ چەند یارییەك ئەنجامدران.
ئۆرۆگوای و كۆڵۆمبیا بە بێ گۆڵ یەكسان بوون، پاراگوای و ئەرجەنتین-یش بەهەمان ئەنجام یەكسان بوون.
لیۆنێل سكالۆنی ڕاهێنەری ئەرجەنتین توڕەبوونی خۆی بەرامبەر ئەنجامی یارییەكە نەشاردەوە و پێیوایە شایستەی بردنەوە بوون.
بەرازیلیش بە سێ گۆڵ بەرامبەر بە گۆڵێك سەركەوتنی بەسەر ڤینزوێلا-دا بەدەستهێنا.
ماركینیۆس و گابریێل خیسۆس و ئەنتۆنی سێ گۆڵەكەی بەرازیلیان تۆماركرد.
ماركینیۆسی بەرگریكاری بەرازیل دەڵێت، “بە تۆپە وەستاوەكان سەركەوتنمان بەسەر ڤینزوێلا-دا بەدەستهێنا”.
