دوو کۆمپانیای ئیتاڵی و ئێرانی 37 مێگاوات کارەبا بۆ هەرێم بەرهەم دەهێنن

وەزارەتی کارەبای حکومەتی هەرێم داوا لە دوو کۆمپانیای ئیتاڵی و ئێرانی دەکات، بە زوترین کار کارەکانی وێستگەی هایدرۆپاوەری دێرەلوک تەواوبکەن، تا ببەسترێت بە کارەبای نیشتمانییەوە.

بەپێی زانیارییەکان، لە سەرەتای ساڵی داهاتوو وێستگەی هایدرۆپاوەری دێرەلوک بەگەڕ دەخرێت و بە تۆڕی نیشتمانیی کارەبا دەبەسترێتەوە.

ئەمڕۆ شاندی کۆمپانیای ELC ئیتاڵی کە سەرپەرشتیی جێبەجێکردنی پڕۆژەکە دەکات، سەردانی وەزارەتی کارەبای کرد و بە ئامادەبوونی نوێنەرانی کۆمپانیای فارابیی ئێرانی جێبەجێکاری پرۆژەکە، هەنگاوەکانی جێبەجێکردنی پرۆژەکە و چارەسەری گرفتە تەکنیکییەکانی خستوەتەڕوو.

هاوکات کەمال محەمەد، وەزیری کارەبای هەرێم داوای لە نوێنەرانی هەردوو کۆمپانیایەکە کردووە  بەزووترین کات پرۆژەکە تەواو بکرێت و لەکاتی دیاریکراودا وزەی کارەبای بەرهەمهێنراو بە تۆڕی نیشتمانیی کارەبا ببەسترێتەوە.

وێستگەی هایدرۆپاوەری دێرەلوک بە دوو تۆرباینەوە توانایی بەرهەمهێنانی 37 مێگاوات کارەبای هەیە و وەک وەزارەتی کارەبا دەڵێت، پڕۆژەکە یەکێکە لە خاوێنترین و ژینگەپارێزترین وێستگەکانی بەرهەمهێنانی کارەبای هەرێمی کوردستان.

بابەتی پێشتر

وەزارەتی کارەبا: بۆ ماوەی پێنج ڕۆژ کارەبای بەردەوام دەدەینە هاوڵاتییان

بابەتی دواتر

ڕۆژنامەنووسێک زانیاریی نەبیستراو لەبارەی ژیانی مێسی لە پاریس بڵاودەکاتەوە

بابەتی پەیوەندیدار
زیاتر ببینە

بەهای دۆلار دابەزی

ئێوارەی ئەمڕۆ لە كاتی داخستنی بازاڕەكانی دراو لە هەرێمی كوردستان بەهای 100 دۆلار بەرامبەر بووە بە 144 هەزار…
Total
0
Share