پەرلەمانتارێکی پێشووی پارتی رەخنە لە سیاسەتی حزبەکەی دەگرێت و پێیوایە کە ئەگەر پسوڵەی کارەبا لە مووچە زیاتر بێت ئەوە دادپەروەرانە نییە.
ئاواز حەمید ئەفەندی، ئەندامی پێشووی پەرلەمانی کوردستان لەسەر فراکسیۆنی پارتی، رەخنە لە پڕۆژەی کارەبای 24 کاتژمێری دەگرێت و ئاماژە بەوە دەکات کە گەیشتنی بڕی پسوڵەکان بۆ 400 تاوەکو 500 دۆلار و زیاتر، کێشەیەکی گەورەی دروستکردووە.
وتیشی، ئەم بارە قورسە داراییە لە کاتێکدایە، کە زۆرێک لە فەرمانبەران مووچەکانیان دواکەوتووە و بڕە پارەیەکی زۆری شایستە داراییەکانیان لای حکومەت ماوەتەوە، کارەبا خزمەتگوزارییەکی بنەڕەتیی ژیانە و نابێت وەک کەلوپەلێکی گرانبەها مامەڵەی لەگەڵ بکرێت.
باسی لەوەشکردووە، دۆخی ئێستا ناهاوسەنگە، چونکە حکومەت لە لایەکەوە مووچە لە کاتی خۆیدا نادات و لە لایەکی دیکەشەوە داوای پسوڵەی گەورە دەکات، ئەمەش دادپەروەرانە نییە.
