پێگەی یوتیوب ڕایگەیاند، هەڵمەتی سڕینەوەی ئەو ڤیدیۆیانەی كە باس لە خراپیی خۆڤاسینكردن دەكەن دەستپێكردووە.
ڕۆژنامەی “وۆڵ ستریت جۆرناڵ” لەزاری كاربەدەستانی پێگەی “یوتیوب”ـەوە بڵاویكردەوە، هەڵمەتەكە ئەو ڤیدیۆیانە دەگرێتەوە كە بانگەشەی خراپیی كاریگەرییەكانی خۆڤاكسینكردن لەدژی كۆرۆنا دەكەن.
ڕوونیكردەوە، یوتیوب دەیەوێت ڕێگەبگرێت لە بڵاوكردنەوەی زانیاریی نادروست و چەواشەكارانە لەبارەی ڤاكسینی دژەكۆرۆنا، بەتایبەت ئەو ڤیدیۆیانەی كە باس لەوە دەكەن خۆڤاكسینكردن مرۆڤ تووشی شێرپەنجە و نەزۆكی و ئۆتیزم دەكات.
وتەبێژێك بەناوی یوتیوب بە ڕۆژنامەكەی ڕاگەیاندووە، ئێستا یوتیوب زیاتر لە هەموو كاتەكانی پێشوو گرنگی بە دۆسیەی كۆڤید- 19 دەدات و لە ساڵی ڕابردووەوە زیاتر لە 130 هەزار گرتە ڤیدیۆی سڕیوەتەوە.
ئاشكرایكردووە كە چەندین چەناڵی یوتیوب بۆ هەمیشە سڕدراونەتەوە چونكە زانیاریی چەواشەكارانەیان لەبارەی ڤاكسینی دژەكۆرۆناوە بڵاوكردووەتەوە.
پێشتر جۆ بایدن سەرۆكی ئەمریكا ڕایگەیاندبوو، زانیارییە چەواشەكارەكانی سەر تۆڕە كۆمەڵایەتییەكان سەبارەت بە كۆڤید- 19 و خۆڤاكسینكردن دەبنەهۆی “كوشتنی خەڵك”.
