بەرپرسێکی باڵای وەزارەتی دەرەوەی ئەمریکا ئاشکرایکرد، کە وڵاتەکەی کار لەسەر پلانی شوێنگرەوەی بەپەلە دەکات ئەگەر ئێران گەڕانەوە بۆ گفتوگۆ ئەتۆمییەکان ڕەتبکاتەوە.
بەرپرسەکەی وەزارەتی دەرەوەی ئەمریکا ڕایگەیاند، ئەمریکا و هاوپەیمانەکانی بۆ ماوەیەکی درێژ چاوەڕێی گەڕانەوەی ئێران ناکەن بۆ گفتوگۆکان و ئەو چاوەڕوانییەکان بۆ هەمیشە درێژەی نابێت.
جەختیشیکردەوە ئەمریکا و وڵاتانی دیکەی بەشدار لە گفتوگۆکاندا گەڕانەوە بۆ سەر مێزی دانوستان بە بژاردەیەکی باشتر دەزانن.
لەلایەکی پێگەی ئەکسیۆس (Axios)ی ئەمریکی بڵاویکردەوە، هەریەکە لە ئەمریکا و ئیسرائیل هەفتەی ڕابردوو گفتوگۆی نهێنیان سەبارەت بە ئێران و “پلانی B” کردووە وەک ئەگەرێک بۆ نەگەڕانەوەی ئێران بۆ گفتوگۆکان و سەرنەکەوتنی دانوستانەکان.
بەپێی پێگەی ئەکسیۆس، گفتگۆکە لەڕێگای ڤیدیۆ کۆنفرانسەوە کراوە بەسەرۆکایەتیی جیک سۆلیڤان ڕاوێژکاری ئاسایشی نیشتمانی ئەمریکا و هاوتا ئیسرائییلییەکەی.
هەروەها وتەبێژی کۆشکی سپی بۆ پێگەکە ئاشکرایکردووە بەردەوامە لە گفتوگۆکانی لەگەڵ ئیسرائیل سەبارەت بە چەند پرسێکی پەیوەست تەحەدییانەی ئێران دەیکات.
