دەزگای میدیایی “ئۆلێ”ی فینلاندی کۆتا ڕاپرسی بۆ ڕێژەی لایەنگریی حزبەکانی وڵاتەكە بڵاوکردەوە و لەو ڕاپرسییەشدا دەردەکەوێت لە کۆی 9 حزبی فینلاندی، 7 حزبیان سەرۆکەکانیان ژنن.
بەپێی ڕاپرسییەکە، حزبی “کۆکمۆس” بە سەرۆکایەتیی “پێتێری ئۆرپۆ” گەڕاوەتەوە پلەی یەکەم، لەکاتێکدا لە ساڵی ڕابردوودا پلەی سێهەمی حزبەکانی گرتبوو.
پارتی سۆسیال دیموکرات-یش، كە بەم نزیكانە سەرۆکەکەی گۆڕا بۆ ژن، پلەی دووەمی گرتووە، هاوکات سەرۆکی حزبی “پێروسوۆمالایسێت”یش سەرۆکەکەی گۆڕاوە بۆ ژن و ئێستا لەلایەن ژنێکەوە بەڕێوەدەبرێت و پلەی سێیەمی حزبەکانی فیلاندی گرتووە.
بەوەش لە کۆی 9 حزبی سەرەکیی فینلاند، 7 حزبیان لەلایەن ژنانەوە بەڕێوەدەبرێن.
بەشێک لە میدیاکانی فیلاند بەشێوەیەک باسی حاڵەتەکە دەکەن، دەڵێن ئێستا وایلێهاتووە، ئەگەر سەرۆکی حزبەکەت ژنێک نەبێت، ڕەنگە جێگەی شەرمکردن بێت.
ڕیزبەندی ڕێژەی لایەنگری حزبەکانی فینلاند
