پۆلیسی سلێمانی ڕایدەگەیەنێت، لەلایەن مەفرەزەكانی پۆلیسی سەرچنارەوە دوو كەس بەتۆمەتی تەقەكردن دەستگیركراون.
بەڕێوەبەرایەتیی پۆلیسی پارێزگای سلێمانی بڵاویكردەوە، له گه‌ڕه‌كی سه‌رچنار به‌هۆی ده‌مه‌قاڵه‌ی نێوان چه‌ند كه‌سێكه‌وه شه‌ڕ و ئاڵۆزی دروستبوو و ته‌قه‌كرا، مه‌فره‌زه‌كانی بنكه‌ی پۆلیسی سه‌رچنار و تیمه‌كانی به‌شی پۆلیسی به‌ڵگه‌ی تاوان گه‌یشتنه شوێنی ڕووداوه‌كه و لێكۆڵینه‌وه بۆ ده‌ستگیركردنی تۆمه‌تباران ده‌ستیپێكرد.
پاش لێكۆڵینه‌وه تۆمه‌تباران (ك.د.ح.) و (س.ج.ق.) دەستگیركران و دەستیشگیرا بەسەر ئۆتۆمبێلێك و چه‌كێك له جۆری ده‌مانچه‌دا، وەك ئەوەی پۆلیسی سلێمانی ئاماژەی پێداوە.
دەشڵێت، “تۆمه‌تباران به بڕیاری دادوه‌ر و به‌پێی مادده‌ی 405-31 له یاسای سزادانی عێراقی ڕاگیراون و لێكۆڵینه‌وه له‌گه‌ڵیان به‌رده‌وامه”.
