بازاڕیکردن لە جیهاندا دوو ڕەوتی جیاوازی وەرگرتووە، کەسێک دەتوانێت سەردانی بازاڕ و مۆڵەکان بکات، لە هەمان کاتیشدا دەتوانێت لە ڕێگەی کۆمپیوتەرەکەیەوە داوای کاڵایەک لە ماڵپەڕەکانی بازاڕیکردنەوە بکات و بۆی بهێننە بەردەم دەرگای ماڵەکەیەوە.
ڕاپۆرتەکە ئەوەی خستە ڕوو، “کڕینی شتومەک و کاڵا بە ئۆنلاین، دەبێتە هۆی دەردانی زیاتری گازی ماڵی شووشەیی، هۆکارەکەشی ئەوەیە کە “خەڵکێکی زۆر کاڵا بە ئۆنلاین دەکڕن، بەڵام هەردەم چەند کاڵایەکی کەم دەکڕن”، ئەمەش دەبێتە هۆی هاتوچۆی زیاتری گەیەنەرانی کاڵاکان.
سادق شاهـ موحەممەدی، خوێندکاری دکتۆرا لە زانستی ژینگە لە زانکۆی ڕادباود لە هۆڵەندا بە تۆڕی هەواڵی سی ئێن ئێنی وت، “کاتێک خەڵک لە بازاڕ و دوکانەکاندا شت دەکڕن، کۆمەڵێک شتی زۆر دەکڕن”.
لە درێژەی قەکانیشیدا خوێندکاری دکتۆراکە ڕوونی کردەوە، “کڕینی کاڵای زۆری یەکلەدوایەک بە ئۆنلاین، وا دەکات کاڵاکان لە سەنتەری دابەشکردنی جیاوازەوە بگەیەنرێن و پاشماوەی لەپاکەتنانی زیاتر بەرهەم دەهێنێت”، کە پاکەت و کاغەزی زیاتر لێ دەمێنێتەوە.
