پێشکەوتوترین و گرانترین ڕۆبۆتی ناسا بەناوی Perseverance، یەکێکە لە ڕۆبۆتە هۆشمەندەکان کە پرۆگرامکراوە و خودکارانە لەسەر هەسارەی مەریخ، کاری خۆی دەکات و زانیارییەکان کۆدەکاتەوە.
ڕۆبۆتە نوێیەكەی ناسا وەک کۆی ڕبۆتەکانی دیکە سەرقاڵی کۆکردنەوەی زانیاری و دەستکەوتنی سەرەداوە لەسەر ژیان لەسەر هەسارەی مەریخ، ئەو پرسیارەی مرۆڤ دەیان ساڵە لەسەر هەسارە سوورەکە بەدوای وەڵامەکەیدا دەگەڕێت.
لەناو ڕۆبۆتە نوێیەکەی ناسادا چەندین کامێرەی پێشکەوتوو لە چەند لایەکەوە پێوە جێگیرکراوە، دەتوانێت لەبارەی دۆخی کەش و هەوای مەریخەوە وێنەی ڕوون بداتەوە بە زەوی.
ئەگەرچی بیرۆکەی تازە بۆ ڕۆبۆتە نوێیەکەی ناسا هەبوو، بەڵام ناسا نەیتوانی بەتەواوی دەستبەرداری شێوازە کۆنەکەی ببێت، چونکە ترس هەبوو گۆڕینی تەواوی ڕۆبۆتەکەی سەر مەریخ وابکات بە تەواوی لە دەستی ناسا دەربچێت و نەتوانرێت بەناو مەریخدا گەشتی پێبکرێت یان وێنەکان بۆ ئاسانی بنێردرێتەوە.
