زانایان لە توێژینەوەیەكی نوێدا هۆشدارییاندا لە مەترسی بڵاوبونەوەی ڤایرۆسی كۆرۆنا لە ناوەندەكانی خوێندندا، بەتایبەت لەگەڵ دووبارە كردنەوەی خوێندنگاكان لە زۆرێك لە وڵاتانی جیهان.
بەپێی توێژینەوەكە كە لەلایەن گۆڤاری (جاما)ی پزیشكییەوە بڵاوكراوەتەوە پزیشكان لە نەخۆشخانەی نیشتیمانی منداڵان لە واشنتن-ی پایتەختی ئەمریكا ئاشكرایانكردووە كە منداڵانی تووشبوو بە كۆرۆنا دەشێت بۆ چەند هەفتەیەك ڤایرۆسەكە بڵاوبكەنەوە، سەرەڕای ئەوەی خودی خۆیان نیشانەكانی نەخۆشییەكەیان لێ دیارینادات، ئەمەش واتە بەبێ مەبەست كەسانی چواردەوریان توشدەكەن.
توێژینەوەیەكی پێشتر لەسەر ئاستی بڵاوبونەوەی ڤایرۆسەكە لەنێو منداڵاندا ئەنجامدراوە، بەڵام گرنگی ئەم توێژینەوە نوێیە پرسی گواستنەوەی ڤایرۆسەكە و بڵاوبونەوەیەتی لەنێو ئەو منداڵانەی نیشانەكانی نەخۆشییەكەیان تیا دیارینادات.
